From the recording Immigrant's Cry
Lyrics
IMMIGRANTS’ CRY
Onu Think say we come a foreign to a bed a roses, onu got to think again.
Sometimes it’s rough, Sometimes it’s tough. Moretimes its aaahhhh
Chorus
Immigrants’ cry, Help me wipe the tears from me eye
Miss the piece a rock me say me nah tell no lie
Immigrants cry, believe me you naw get no bly
Blood, sweat and tears fi you daily supply.
Say me left from Jamaica, me gone overseas
With two suitcase and a big bag a dreams
Reach inna America, me check out the scene
Life inna Foreign isn’t all that it seem
Repeat Chorus
Heh, nobody never say me affi walk inna snow
Cover up from head to foot but the breeze still a blow
Me affi punch the clock by a quarter to nine
Like it or not me affi work overtime
Repeat Chorus
In this land of opportunity some choose fast lane
Them get the free ticket and get back pon the plane
Get back pon the rock, Buju take care a that
But a nuff man a suffer up ya, can’t turn back
Repeat Chorus
When you think we deh a foreign with a strong cashflow
Thru you no know whey the money a go
First the tax, then the rent, phone and light bill high
Lord knows a no try we no try
Repeat Chorus
Me miss the breadfruit and the ackee and the piece a roast yam
When things get hot we coulda jump inna pond
And the mango and the coffee and the starapple stain
Not to mention the sweet sugarcane.